පාකිස්ථානය විසින් ඉදිරිපත් කළ ඉල්ලීමකට අනුව, ඉරානය සමඟ පවතින සටන් විරාමය දීර්ඝ කිරීමට තීරණය කළ බව අමෙරිකානු ජනාධිපති ඩොනල්ඩ් ට්රම්ප් ප්රකාශ කර තිබේ.
කෙසේ වෙතත්, ඉරානයේ වරායන්ට පනවා ඇති නාවික අවහිරය තවදුරටත් ක්රියාත්මක කරනු ඇති බවද ඔහු අවධාරණය කළේය.
ජනාධිපතිවරයා සඳහන් කළේ, ඉරාන රජය දැඩි අභියෝගයකට මුහුණ දෙමින් සිටින බවක් පෙනී යන අතර, පාකිස්ථානයේ ෆීල්ඩ් මාර්ෂල් අසීම් මුනීර් සහ අග්රාමාත්ය ෂෙහ්බාස් ෂරීෆ්ගේ ඉල්ලීම මත, ඉරාන නායකයන්ට සහ නියෝජිතයන්ට ඒකාබද්ධ යෝජනාවක් ඉදිරිපත් කිරීමට අවස්ථාව ලබා දීමට මෙම පියවර ගත් බවයි.
එමෙන්ම, ඉරානයට එරෙහි ප්රහාර තාවකාලිකව නතර කළත්, අවහිර කිරීම දිගටම පවත්වාගෙන යාමටත්, අනෙකුත් සියලු අංශවලින් සූදානමින් සිටීමටත් හමුදාවට උපදෙස් ලබා දී ඇති බවද ඔහු පැවසීය.
ඒ අනුව, ඉරානය විසින් යෝජනා ඉදිරිපත් කර සාකච්ඡා අවසන් වන තෙක් සටන් විරාමය දීර්ඝ කිරීමට තමන් තීරණය කළ බව ජනාධිපතිවරයා වැඩිදුරටත් ප්රකාශ කළේය.
