විදේශ ගතව සිටින අපරාධ කල්ලි සාමාජිකයෙකු සහ මත්ද්රව්ය ජාවාරම්කරුවෙකු වන සමන් කොල්ලාගේ ප්රධානම මත්ද්රව්ය බෙදාහරින්නෙකු, ඇල්පිටිය පොලිසියේ දූෂණ මර්දන අංශය විසින් අද (04) අත්අඩංගුවට ගෙන තිබේ.
අත්අඩංගුවට ගත් සැකකරු වැලිවිටිය, දිවිතුර, අගලිය සහ බද්දේගම ප්රදේශවල පදිංචිව සිටි අතර, මිනුම්දෝරු දෙපාර්තමේන්තුවට අනුයුක්තව රාජකාරි සිදු කරන බව පොලීසිය සඳහන් කරයි. සැකකරුවාගේ සන්තකයෙන් හෙරොයින් ග්රෑම් 62ක් හෙළි කරගෙන ඇත.
පොලිසිය සඳහන් කළේ, සැකකරු ගාල්ල ප්රදේශයේ මිනුම්දෝරු සහායකයෙකු ලෙස සේවය කරමින්, ජාවාරම් සිදුකළ බවත්, තණබද්දෙගම ආදාහනාගාරය අසලදී අත්අඩංගුවට ගෙන ඇති බවත් ය.
අත්අඩංගුවට ගත් සැකකරු අද ඇල්පිටිය මහෙස්ත්රාත් අධිකරණයට ඉදිරිපත් කර, දින හතක් රඳවා ප්රශ්න කිරීමට අධිකරණය පොලිසියට අවසර ලබාදී ඇත.
