2019 පාස්කු ඉරිදා ත්රස්ත ප්රහාරයට අදාළව සිදුකෙරෙන විමර්ශන අතරතුර අත්අඩංගුවට ගෙන රැඳවුම් භාරයේ තබා සිටින රාජ්ය බුද්ධි සේවයේ හිටපු අධ්යක්ෂ මේජර් ජෙනරාල් (විශ්රාමික) සුරේෂ් සලේ සම්බන්ධයෙන් නිකුත් කර ඇති රැඳවුම් නියෝගය තවදුරටත් බලපැවැත්වීමට කොළඹ කොටුව මහේස්ත්රාත් ඉසුරු නෙත්තිකුමාර අද (22) නියෝග කළේය.
අපරාධ පරීක්ෂණ දෙපාර්තමේන්තුව (CID) විසින් සැකකරු අද අධිකරණයට ඉදිරිපත් කර තිබූ අතර, ඔහු වෙනුවෙන් පෙනීසිටි නීතිඥ අසිත් සිරිවර්ධන අධිකරණයට දැනුම්දුන්නේ, සුරේෂ් සලේ මහේස්ත්රාත්වරයා ඉදිරියේ ප්රකාශයක් කිරීමට සූදානම් බවයි.
ඒ පිළිබඳව සලකා බැලූ මහේස්ත්රාත්වරයා පෙන්වා දුන්නේ, නීතිමය ක්රියා පටිපාටිය අනුව එවැනි ඉල්ලීමක් කරන සැකකරුවෙකුට සාධාරණ කාලයක් ලබාදීමට හැකි බවයි.
එම අනුව, ප්රකාශයක් කිරීමට අවසන් තීරණයක් ගන්නා දක්වා සැකකරුට මාසයක කාලයක් ලබාදී ඇති අතර, ඔහුගේ තීරණය මැයි 20 වැනිදා අධිකරණයට දැනුම්දෙන ලෙස නියෝග කර තිබේ. එදින ඔහු විවෘත අධිකරණයට ඉදිරිපත් කිරීමටද උපදෙස් ලබාදී ඇත.
