පාස්කු ප්රහාර විමර්ශනවලට අදාළව, පිල්ලෙයාන්ගේ හිටපු ලේකම්වරයකු වන අසාත් මවුලානාගෙන් ප්රකාශයක් ලබාගැනීමේ ක්රියාමාර්ග පිළිබඳව මහේස්ත්රාත් අධිකරණය ඊයේ (22) අවධානය යොමු කළේය.
පසුගිය නඩු දිනයේදී අදාළ පුද්ගලයාගෙන් ප්රකාශයක් ලබාගන්නා ලෙස අධිකරණය නියෝග කර තිබූ බවත්, ඒ සඳහා ගත් පියවරයන්ගේ ප්රගතිය කෙසේදැයි මහේස්ත්රාත්වරයා විමසා සිටියේය.
ඊට පිළිතුරු ලබාදුන් අතිරේක සොලිසිටර් ජනරාල් දිලීප පීරිස් සඳහන් කළේ, අසාත් මවුලානා මේ වන විට ප්රංශයේ පදිංචිව සිටින බවයි.
ඔහු ශ්රී ලංකා තානාපති කාර්යාලය වෙත කැඳවා, සූම් තාක්ෂණය ඔස්සේ ප්රකාශයක් ලබාගැනීමට කටයුතු සූදානම් කරමින් සිටින බවද ඔහු වැඩිදුරටත් දැනුම් දුන්නේය.
