වියට්නාම් ජාතික පූජ්ය පඤ්ඤාකර ස්වාමින් වහන්සේ ප්රමුඛ භික්ෂූන් වහන්සේගේ සහභාගිත්වයෙන් පසුගිය 21 වනදා දඹුල්ල රජමහා විහාරස්ථානයෙන් ආරම්භ කළ “ඒහි පස්සිකෝ” සාම පාද යාත්රාව මේ වනවිට අඛණ්ඩව පවතින අතර එහි හයවන දිනය අද (27) යක්කල අබේසේකරාරාමය අසලින් ආරම්භ කිරීමට නියමිතය.
අද දිනයේ පාද යාත්රාව කැලණිය රජමහා විහාරය දක්වා ගමන් කරනු ඇතැයි සැලසුම් කර ඇත.
හෙට (28) දිනයේදී කැලණිය රජමහා විහාරයේ පාසල් හා විශ්වවිද්යාල සිසුන් සමග විශේෂ සාකච්ඡාවක් පැවැත්වීමට නියමිත අතර, එයින් අනතුරුව පාද යාත්රාව කැලණියෙන් නිදහස් චතුරස්රය දක්වා ගමන් කිරීමට සැලසුම් කර තිබේ.
