රාජ්ය මුදල් අවභාවිතා කිරීම සම්බන්ධයෙන් හිටපු ජනාධිපති රනිල් වික්රමසිංහ සහ හිටපු ජනාධිපති ලේකම් සමන් ඒකනායක යන මහත්වරුන්ට අදාළ පැමිණිල්ලේ පරීක්ෂණ ප්රගතිය 2026 ජූලි 8 වනදා අධිකරණයට ඉදිරිපත් කරන ලෙස කොළඹ කොටුව මහෙස්ත්රාත් අධිකරණය අද (29) අපරාධ පරීක්ෂණ දෙපාර්තමේන්තුවට නියෝග කර තිබේ.
මෙම නඩුව සම්බන්ධයෙන් පෙනී සිටි අතිරේක සොලිසිටර් ජනරාල් දිලීප පීරිස් මහතා අධිකරණයට දැනුම් දී ඇත්තේ, එදිනට පෙර සැකකරුවන්ට එරෙහිව අධිචෝදනා ගොනු කිරීමට පියවර ගන්නා බවයි.
එමෙන්ම මෙම පැමිණිල්ලට අදාළව හිටපු ජනාධිපති රනිල් වික්රමසිංහ මහතාගේ බිරිඳ වන මෛත්රී වික්රමසිංහ මහත්මියද සැකකාරියක් ලෙස නම් කිරීම සම්බන්ධයෙන් මේ වන විට අධ්යයනය කරමින් පවතින බවද අධිකරණය හමුවේ සඳහන් කර ඇත.
