ඉරාන් වික්රමරත්න මහතා තවදුරටත් පක්ෂ සාමාජිකයෙකු ලෙස රැඳී සිටීම සමගි ජන බලවේගයේ ප්රතිපත්තියට පටහැනි බව සඳහන් කරමින්, පක්ෂ සාමාජිකත්වයෙන්ද ඉල්ලා අස්වන ලෙස මහලේකම් රංජිත් මද්දුම බණ්ඩාර මහතා ඊයෙ (29) ලිපියක් මගින් දැනුම් දී තිබේ.
වික්රමරත්න මහතා සජබ කෘත්යාධිකාරී මණ්ඩලයෙන් සහ කළමනාකරණ කමිටුවෙන් ඉල්ලා අස්වීමට ගත් තීරණය භාරගනිමින්, ඊට පිළිතුරු ලෙස මෙම ලිපිය යොමුකර ඇති බව සඳහන් වේ.
සියලු ක්රීඩා සංගම් නිර්දේශපාලන විය යුතු අතර, එහි තනතුරු දේශපාලනයට සම්බන්ධ පුද්ගලයින් විසින් නොදැරිය යුතු බව පක්ෂයේ ස්ථාවරය ලෙස ලිපියේ අවධාරණය කර ඇත.
එමෙන්ම සදාචාරාත්මකව ගත යුතු නිවැරදි පියවර වන්නේ පක්ෂ සාමාජිකත්වයෙන්ද ඉවත් වීම බව ද එහි වැඩිදුරටත් සඳහන් කර තිබේ.
ඒ අනුව අවශ්ය ක්රියාමාර්ග ගන්නා ලෙසද ඔහු වෙත දැනුම් දී ඇත..
