‘NetBlocks’ අන්තර්ජාල නිරීක්ෂණ ආයතනය සඳහන් කරන්නේ, ඉරානය තුළ ක්රියාත්මක දැඩි අන්තර්ජාල සීමාකිරීම් අදට 64 වන දිනටත් අඛණ්ඩව පවතින බවයි.
එම තත්ත්වය හේතුවෙන් ඉරානය ජාත්යන්තර අන්තර්ජාල පද්ධතිවලින් වෙන්ව සම්පූර්ණ හුදකලා තත්ත්වයකට පත්ව ඇතැයිද වාර්තා වේ.
පසුගිය ජනවාරි මස ආරම්භයේදී රජයට එරෙහිව නැවතත් උද්ගත වූ මහජන විරෝධතා මර්දනය කිරීමේ අරමුණින් බලධාරීන් මුලින්ම මෙම සීමාවන් පනවා තිබුණි.
ඉන් අනතුරුව පෙබරවාරි අග භාගයේදී ඉරානයට එරෙහිව ඇමරිකානු සහ ඊශ්රායල ගැටුම් තත්ත්වය උත්සන්න වීමත් සමඟ අන්තර්ජාල අවහිරතා තවදුරටත් දැඩි කර ඇති බව සඳහන් වේ.
මාස දෙකකට අධික කාලයක් පවතින මෙම බාධාකාරී තත්ත්වය හේතුවෙන් රැකියා සහ ව්යාපාරික ක්ෂේත්ර දැඩි පීඩනයකට ලක්ව ඇති අතර, විශේෂයෙන්ම අන්තර්ජාලය මත පදනම් වූ සුළු හා මධ්ය පරිමාණ ව්යාපාර බිඳවැටීමේ අවදානමකට මුහුණ දී සිටී.
තොරතුරු ගලායාම පාලනය කිරීමට රජය උත්සාහ කළද, මෙම දිගුකාලීන අන්තර්ජාල සීමාකිරීම් ජනතාවගේ දෛනික ජීවිතයට හා ජාතික ආර්ථිකයට දැඩි බලපෑම් එල්ල කරමින් පවතී.
