කොළඹ මහාධිකරණය විසින් හිටපු අමාත්ය ජොන්ස්ටන් ප්රනාන්දු ඇතුළු විත්තිකරුවන් තිදෙනෙකුට එරෙහිව පවතින නඩුවක සාක්ෂිකරුවකු අත්අඩංගුවට ගෙන අධිකරණයට ඉදිරිපත් කරන ලෙස වරෙන්තු නිකුත් කර තිබේ.
අදාළ නඩුව අද (05) දින කැඳවූ අවස්ථාවේදී, එහි දොළොස්වන සාක්ෂිකරු සාක්ෂි ලබාදීම සඳහා අධිකරණයේ පෙනී සිට නොමැති බව අනාවරණය වී ඇත.
එම හේතුව මත, කොළඹ මහාධිකරණ විනිසුරු මොහොමඩ් මිහායිල් මහතා විසින් අදාළ සාක්ෂිකරු අත්අඩංගුවට ගැනීමට නියෝග කරමින් වරෙන්තු නිකුත් කර ඇත.
මෙම නඩුව හිටපු වෙළඳ අමාත්යවරයා ලෙස කටයුතු කළ සමයේ සතොස සේවකයින් නිල රාජකාරිවලින් ඉවත් කර දේශපාලන කටයුතු සඳහා යොදවා දූෂණය සිදුකළ බවට වන චෝදනා මත ගොනු කර තිබේ.
