හෝර්මුස් සමුද්ර සන්ධිය යළි විවෘත කිරීමේ එකඟතාවන්ට ඉරානය එකඟ නොවන්නේ නම් දැඩි බෝම්බ ප්රහාර නැවත ආරම්භ කරන බවට ඩොනල්ඩ් ට්රම්ප් අනතුරු අඟවා තිබේ.
ඔහු සිය Truth Social ගිණුමේ සටහනක් තබමින් ප්රකාශ කළේ, දැනට එකඟ වී ඇති කොන්දේසි පිළිගන්නා අවස්ථාවක පමණක් වත්මන් යුදමය තත්ත්වය අවසන් විය හැකි බවයි.
තාවකාලික සටන් විරාමයක් ක්රියාත්මක වුවද, මෙම ප්රකාශය මැදපෙරදිග කලාපයේ නොසන්සුන්තාව තවදුරටත් උණුසුම් කර ඇති බව විදෙස් වාර්තා පෙන්වා දෙයි.
එයට ප්රතිචාර දක්වමින් ඉරාන විප්ලවීය ආරක්ෂක බලකාය (IRGC) පවසා ඇත්තේ, තර්ජන මැඩපැවැත්වීමෙන් පසු හෝර්මුස් සමුද්ර සන්ධිය තුළ ස්ථාවර සහ ආරක්ෂිත ගමනාගමනය තහවුරු කරන බවයි.
එමෙන්ම, පර්සියානු බොක්ක සහ ඕමාන් බොක්ක හරහා යාත්රා කරන නෞකා හිමියන් සහ කපිතාන්වරුන් නව ඉරාන රෙගුලාසිවලට සහයෝගය දක්වන බවට IRGC නාවික බලකාය ස්තූතිය පළ කර තිබේ.
