දිවයිනට බලපා ඇති අයහපත් කාලගුණික තත්ත්වය හේතුවෙන් දැදුරුඔය, ලුණුගම්වෙහෙර සහ රාජාංගනය ජලාශයන්හි වාන් දොරටු අද (09) පෙරවරුවේ සිට විවෘත කළ බව වාරිමාර්ග දෙපාර්තමේන්තුව පවසයි.
දැදුරුඔය ජලාශයේ වාන් දොරටු 4ක් අඩි 3 බැගින් විවෘත කර ඇති අතර, එමගින් තත්පරයට ඝන අඩි 8,400ක ජල ප්රමාණයක් මුදාහරින බව සඳහන්ය.
ලුණුගම්වෙහෙර ජලාශයේ වාන් දොරටු 6ක් විවෘත කර ඇති අතර, ඉන් දොරටු 2ක් අඩි 4 බැගින් සහ අනෙක් දොරටු 4ක් අඩි 8 බැගින් විවෘත කර තිබේ. එමඟින් තත්පරයට ඝන අඩි 2,915ක ජල ප්රමාණයක් කිරිඳි ඔයට මුදාහැරෙන බව වාර්තා වේ.
එමෙන්ම රාජාංගනය ජලාශයේ වාන් දොරටු 6ක් විවෘත කර ඇති අතර, දොරටු 4ක් අඩි 2 බැගින් සහ අනෙක් දොරටු 2ක් අඩි 3 බැගින් විවෘත කර තිබේ. එමඟින් තත්පරයට ඝන අඩි 4,542ක ජල ප්රමාණයක් මුදාහැරෙන බව වාරිමාර්ග දෙපාර්තමේන්තුව වැඩිදුරටත් සඳහන් කළේය.
