ශ්රීලන්කන් ගුවන් සමාගමට 2013 වසරේ ගුවන් යානා මිලදී ගැනීමේදී අමෙරිකානු ඩොලර් මිලියන 2ක අල්ලසක් ලබාගෙන ඇතැයි කියන සිද්ධිය සම්බන්ධයෙන් ප්රකාශයක් ලබාදීම සඳහා හිටපු ජනාධිපති මහින්ද රාජපක්ෂ මහතා මීට සුළු වේලාවකට පෙර අල්ලස් කොමිසම හමුවට පැමිණියේය.
අල්ලස් කොමිසම විසින් කළ දැනුම්දීමකට අනුව ඔහු එහි පෙනී සිටි බව වාර්තා වෙයි.
මෙම සිද්ධියට අදාළව හිටපු ගුවන් සේවා අමාත්ය පියංකර ජයරත්න මහතාට ද අල්ලස් කොමිසම හමුවේ පෙනී සිටින ලෙස දැනුම් දී ඇති බව සඳහන්ය.
මේ අතර, මහින්ද රාජපක්ෂ මහතාගේ පැමිණීම අපේක්ෂාවෙන් පාක්ෂිකයින් පිරිසක් අල්ලස් කොමිසම පිහිටි ප්රදේශයේ රැඳී සිටින බව ද වාර්තා වේ.
එම ප්රදේශයේ ආරක්ෂාව තරකර ඇති අතර, පොලීසිය සහ විශේෂ කාර්ය බළකා නිලධාරීන් ද ආරක්ෂක රාජකාරි සඳහා කැඳවා තිබුණි.
