අමෙරිකානු ජනාධිපති ඩොනල්ඩ් ට්රම්ප් අද (13) දෙදින නිල සංචාරයක් සඳහා චීනය වෙත පැමිණීමට නියමිත බව විදෙස් මාධ්ය වාර්තා කරයි.
දශකයකට ආසන්න කාලයකට පසු අමෙරිකානු ජනාධිපතිවරයෙකු චීනයේ සිදුකරන පළමු නිල සංචාරය මෙය වන අතර, ලොව විශාලතම ආර්ථික බලවතුන් දෙදෙනා අතර සබඳතාවල තීරණාත්මක අවස්ථාවක් ලෙස මෙය සැලකේ.
ට්රම්ප් සහ ෂී ජින්පින් අවසන් වරට හමුවී තිබුණේ 2025 ඔක්තෝම්බර් මාසයේ දකුණු කොරියාවේ බුසාන් නගරයේ පැවති ආසියා-පැසිෆික් ආර්ථික සහයෝගීතා සමුළුවේදීය.
2025 ජනවාරි 20 වනදා දෙවන ජනාධිපති ධුර කාලය ආරම්භ කිරීමෙන් අනතුරුව ට්රම්ප්ගේ පළමු චීන සංචාරයද මෙය වෙයි.
විදෙස් වාර්තා අනුව, ඉරානයට එරෙහි අමෙරිකානු – ඊශ්රායල් ක්රියාමාර්ග සහ ගෝලීය තෙල් වෙළඳපොළ අර්බුදය ඇතුළු කරුණු පිළිබඳ මෙහිදී දෙපාර්ශ්වය අතර විශේෂ සාකච්ඡා පැවැත්වීමට නියමිතය.
