2026දී උතුරු අමෙරිකාවේ පැවැත්වීමට නියමිත FIFA World Cup 2026 තරඟාවලියේ ප්රවේශ පත්ර මිල ඉහළ යාම සම්බන්ධයෙන් එල්ල වන විවේචන අතරතුර, FIFA සභාපති ජියානි ඉන්ෆැන්ටිනෝ සිය අදහස් ප්රකාශ කර තිබේ.
ඔහු පැවසුවේ, අමෙරිකානු වෙළෙඳපොළ තත්ත්වය සහ සංවිධානයේ මූල්ය අවශ්යතා සැලකිල්ලට ගනිමින් මෙම මිල ගණන් තීරණය කළ බවයි.
නිව්යෝර්ක් නුවර පැවති ආර්ථික සමුළුවකදී අදහස් දක්වමින් ඔහු අවධාරණය කළේ FIFA යනු ලාභ නොලබන සංවිධානයක් වන අතර, ලෝක කුසලානය වසර හතරකට වරක් ආදායම් උපයන ප්රධානම අවස්ථාව බවයි.
එම තරඟාවලියෙන් උපයන මුදල් ඉදිරි කාලය පුරා ලෝක පාපන්දු ක්රීඩාව සංවර්ධනය කිරීමට යොදවන බවත්, සාමාජික රටවල් 211ක් සඳහා එය වැදගත් ආධාරයක් බවත් ඔහු පෙන්වා දී ඇත.
වාර්තා අනුව, සමාරම්භක තරඟයක ප්රවේශ පත්රයක් ඇමෙරිකානු ඩොලර් 1,359ක් දක්වා ඉහළ යාමත්, අවසන් තරඟයේ ටිකට් මිල ඩොලර් 8,860 සිට 25,000 දක්වා පවතින බවත් සඳහන් වේ.
කෙසේ වෙතත්, සාමාන්ය ප්රේක්ෂකයින් සඳහා ඩොලර් 60ක් වැනි අඩු මිලකට සීමිත ප්රවේශ පත්ර ප්රමාණයක් ද හඳුන්වා දී ඇත.
මෙවර ලෝක කුසලාන තරඟාවලිය කණ්ඩායම් 48ක් සහභාගී වන ඉතිහාසයේ විශාලතම තරඟාවලියක් වන අතර, එය United States, Canada සහ Mexico යන රටවල් තුනේදී තරඟ 104ක් ලෙස පැවැත්වීමට නියමිතය.
