ඔස්ට්රේලියාවේ පැවැත්වෙන අවුරුදු 19න් පහළ කාන්තා විස්සයි20 තුන්කොන් ක්රිකට් තරගාවලියේ අද (18) පැවති තරගයකදී ඔස්ට්රේලියා කණ්ඩායමට එරෙහිව ලකුණු 3ක කණගාටුදායක හා තියුණු ජයක් වාර්තා කිරීමට ශ්රී ලංකා කණ්ඩායම සමත් විය.
මෙම ජයග්රහණයත් සමඟ ශ්රී ලංකාව තරගාවලියේ තමන් ක්රීඩා කළ තරග 4ම ජය ගනිමින්, එංගලන්තය සහ ඔස්ට්රේලියාව සහභාගී වන මෙම තුන්කොන් තරගාවලියේ එකම අපරාජිත කණ්ඩායම ලෙස ඉදිරියෙන් සිටියි.
පළමුව පන්දුවට පහර දුන් ශ්රී ලංකා කණ්ඩායම පන්දුවාර 19.4කදී ලකුණු 99කට සීමා වූ අතර, ලිමන්සා තිලකරත්න ලකුණු 35ක් සහ ප්රමුදි මෙත්සරා ලකුණු 21ක් ලබාගත්හ.
පිළිතුරු ඉනිමට පිවිසි ඔස්ට්රේලියා කණ්ඩායම පන්දුවාර 19.5කදී ලකුණු 96කට සියලුදෙනා දැවී ගොස් තරගයෙන් පරාජයට පත්විය.
බෝලින්ග් අංශයේදී චමුදි ප්රබෝධා කඩුලු 3ක් ද, අසේනි තලගුණේ සහ ශෂිනි ගිම්හානි කඩුලු 2 බැගින් ද ලබාගනිමින් ශ්රී ලංකාවට ජයග්රහණය හිමිකර දුන්නා.
