පසුගිය අප්රේල් 12 වැනිදා සිට මේ දක්වා දියේ ගිලීම් හේතුවෙන් පුද්ගලයින් 26 දෙනෙකු ජීවිතක්ෂයට පත්ව ඇති බව වාර්තා වේ.
ඊයේ (17) දිනයේදීද දිවයිනේ ප්රදේශ කිහිපයකින් දියේ ගිලීම් සිදුවී ඇති අතර, එම සිද්ධීන් දෙකකින් පුද්ගලයින් දෙදෙනෙකු මියගොස් තිබේ.
මිහින්තලය – මරදන්කුලම වැවේ දිය නෑමට ගිය 55 හැවිරිදි පුද්ගලයෙකු දියේ ගිලී මියගොස් ඇති අතර, ඔහු තම 11 හැවිරිදි පුත්රයා සහ 12 හැවිරිදි තවත් දරුවෙකු බේරා ගැනීමට උත්සාහ කිරීමේදී මෙම අනතුරට ලක්ව ඇත. එම දරුවන් දෙදෙනා අනතුරෙන් බේරී තිබේ.
තවත් සිද්ධියකදී, දෙහිඕවිට – හිඟුරලකන්ද ප්රදේශයේ සීතාවක ගඟේ දිය නාමින් සිටි 17 හැවිරිදි තරුණයෙකු ද දියේ ගිලී ජීවිතක්ෂයට පත්ව ඇත.
මෙම තත්ත්වය සැලකිල්ලට ගනිමින් ජල ආශ්රිත ස්ථානවලදී වැඩි අවධානයෙන් කටයුතු කරන ලෙස බලධාරීන් ජනතාවට අවවාද කරයි.
