ඩොනල්ඩ් ට්රම්ප් පවසන්නේ, වොෂින්ටන්හි වොෂින්ටන් හිල්ටන් හෝටලයේ පැවැති ධවල මන්දිර වාර්තාකරුවන්ගේ සංගමයේ වාර්ෂික රාත්රී භෝජන සංග්රහය අතරතුර සිදුවූ වෙඩි තැබීමේ සිද්ධියට සම්බන්ධ සැකකරු ආරක්ෂක අංශ විසින් අත්අඩංගුවට ගෙන ඇති බවයි.
ජනාධිපතිවරයා තම සමාජ මාධ්ය ගිණුමක් හරහා සඳහන් කර ඇත්තේ, ප්රහාරය එල්ල කළ වෙඩික්කරු අත්අඩංගුවට ගෙන ඇති බවත්, එම සිද්ධිය හේතුවෙන් උත්සවයේ කටයුතු නවත්වන අවශ්යතාවයක් නොමැති බවත්ය. “සංග්රහය දිගටම කරගෙන යමු” යනුවෙන්ද ඔහු අවධාරණය කර තිබේ.
උත්සවය පැවැත්වෙමින් තිබියදී හදිසි විශාල හඬක් ඇසීමත් සමඟ මෙලනියා ට්රම්ප් සමඟ සිටි ජනාධිපතිවරයා රහස් ආරක්ෂක සේවා නිලධාරීන් විසින් වහාම ආරක්ෂිත ස්ථානයක් වෙත ඉවත් කර ඇත.
සිද්ධිය සම්බන්ධයෙන් වැඩිදුර පරීක්ෂණ තවදුරටත් ක්රියාත්මක වෙමින් පවතින බව විදෙස් මාධ්ය වාර්තා කරයි.
