ඉරානය තුළ ක්රියාත්මක වන අන්තර්ජාල විසන්ධිය ලොව මෙතෙක් වාර්තා වූ දීර්ඝතම ජාතික මට්ටමේ අන්තර්ජාල ඇණහිටීම ලෙස ඉතිහාසයට එක්ව ඇති බව NetBlocks නිරීක්ෂණ කණ්ඩායම පවසයි.
මෙම අන්තර්ජාල බිඳවැටීම ලොව වෙනත් කිසිදු රටක මෙවැනි ආකාරයෙන් සිදුව නොමැති බවද ඔවුන් සඳහන් කරයි.
නවතම දත්ත අනුව, මෙම විසන්ධිය මේ වන විට පැය 864ක්, එනම් අඛණ්ඩව දින 37ක් ක්රියාත්මක වෙමින් පවතින බව වාර්තා වේ.
මීට පෙර කිසිදු රටක මෙතරම් දීර්ඝ කාලයක් ජාතික මට්ටමින් අන්තර්ජාලය විසන්ධි කර නොමැති බවද NetBlocks ආයතනය වැඩිදුරටත් පවසයි.




