අඟුරුවාතොට බටගොඩ ප්රදේශයේ පිහිටි වැඩිහිටි නිවාසයක ඊයේ (03) හටගත් දරුණු ගින්නෙන් මියගිය පුද්ගලයින් සංඛ්යාව 12 දෙනෙකු දක්වා ඉහළ ගොස් ඇති බව පොලිස් මාධ්ය ප්රකාශකවරයා පවසයි.
ගින්න හේතුවෙන් තවත් පුද්ගලයින් කිහිපදෙනෙකු තුවාල ලබා රෝහල්ගත කර ඇති අතර, ඔවුන්ගෙන් සමහර අයගේ තත්ත්වය බරපතළ බවද වාර්තා වේ.
මේ අතර, සිද්ධිය සම්බන්ධයෙන් විමර්ශන සිදුකරන පොලීසිය අදාළ වැඩිහිටි නිවාසයේ අධ්යක්ෂවරයා අත්අඩංගුවට ගෙන තිබේ.
ගින්න හටගැනීමට හේතුව මෙතෙක් නිශ්චිතව අනාවරණය වී නොමැති අතර, අපරාධ පරීක්ෂණ නිලධාරීන් සහ විශේෂ විමර්ශන කණ්ඩායම් ඒ පිළිබඳ පුළුල් පරීක්ෂණ ආරම්භ කර ඇත.
අනතුර සිදුවූ අවස්ථාවේ වැඩිහිටි නිවාසයේ පුද්ගලයින් රැසක් රැඳී සිට ඇති අතර, බේරාගත් පිරිස ආරක්ෂිත ස්ථාන වෙත යොමු කිරීමට බලධාරීන් පියවර ගෙන තිබේ.
සිද්ධිය සම්බන්ධයෙන් අඟුරුවාතොට පොලීසිය වැඩිදුර විමර්ශන සිදුකරයි.
