මන්නාරම වංගාලපාඩුව මුහුදු ප්රදේශයේ අද (15) අලුයම සිදුවූ ධීවර යාත්රා දෙකක් එකිනෙක ගැටීමේ අනතුරකින් එක් ධීවරයෙකු ජීවිතක්ෂයට පත්ව ඇති බව වාර්තා වේ.
මෙම ගැටීම හේතුවෙන් යාත්රා දෙකටම දැඩි හානි සිදුව ඇති අතර, එක් යාත්රාව පෙරළීමෙන් ධීවරයෙකු දියේ ගිලී අතුරුදන් වී ඇත.
අනෙක් ධීවරයන්ගේ දැඩි උත්සාහයෙන් පසුව ඔහුගේ මළ සිරුර සොයාගෙන ඇති බව සඳහන් වේ.
එමෙන්ම, අනතුරින් තුවාල ලැබූ තවත් ධීවරයෙකු මේ වනවිට මන්නාරම රෝහලේ ප්රතිකාර ලබමින් සිටී.
සිද්ධිය පිළිබඳව මන්නාරම පොලීසිය සහ ධීවර දෙපාර්තමේන්තු නිලධාරීන් විසින් වැඩිදුර විමර්ශන ආරම්භ කර ඇත.
