විදේශ කටයුතු අමාත්යාංශයේ විද්යුත් ලේඛන සහතික කිරීමේ පද්ධතිය (e-DAS) හි හදිසි තාක්ෂණික දෝෂයක් හේතුවෙන් ලේඛන සහතික කිරීමේ සියලුම සේවාවන් තාවකාලිකව අත්හිටුවා තිබේ.
අමාත්යාංශය නිවේදනයක් නිකුත් කරමින් සඳහන් කර ඇත්තේ, බත්තරමුල්ලේ පිහිටි කොන්සියුලර් කටයුතු අංශයේ ප්රධාන කාර්යාලය මෙන්ම යාපනය, ත්රිකුණාමලය, මහනුවර, මාතර සහ කුරුණෑගල ප්රාදේශීය කොන්සියුලර් කාර්යාලවල සේවාවන්ද මෙලෙස අත්හිටුවා ඇති බවය.
අදාළ තාක්ෂණික සේවා සපයන්නන් සමඟ එක්ව පද්ධතිය ඉක්මනින් යථා තත්ත්වයට පත් කිරීමට කටයුතු කරමින් සිටින බවද අමාත්යාංශය පවසයි.
මේ අතර, මාර්ගගතව වේලාවන් වෙන්කරගෙන ඇති අයදුම්කරුවන්ට e-Channeling පද්ධතිය හරහා නවතම දැනුම්දීම් පරීක්ෂා කරන ලෙසද දැනුම් දී ඇත.
පද්ධතිය යථා තත්ත්වයට පත් වූ වහාම සේවාවන් නැවත ආරම්භ කරන බවත්, ඇති වූ අපහසුතාව සඳහා කණගාටුව පළ කරන බවත් අමාත්යාංශය වැඩිදුරටත් සඳහන් කරයි.
