පාකිස්තානය නාවික හමුදාව විසින් උතුරු අරාබි මුහුදේ අනතුරට පත් වූ වෙළඳ නෞකාවකින් නාවිකයින් 18 දෙනෙකු බේරාගෙන තිබේ.
“GOLD AUTUMN” නෞකාවෙන් නිකුත් කළ හදිසි ආපදා සංඥාවකට ප්රතිචාර දක්වමින් මෙම මෙහෙයුම සිදුකර ඇති බව විදෙස් මාධ්ය වාර්තා කරයි.
බේරාගත් නාවිකයින් 18 දෙනා විවිධ ජාතීන්ට අයත් පිරිසක් වන අතර, ඔවුන් අතර චීනය, බංග්ලාදේශය, මියන්මාරය, වියට්නාමය සහ ඉන්දුනීසියාව යන රටවල පුරවැසියන් ද ඇතුළත් වේ.
බේරාගත් නාවිකයින් වෛද්ය ප්රතිකාර සඳහා කරච්චි වරාය වෙත රැගෙන ගොස් ඇති අතර, ඉදිරියේදී ඔවුන්ගේ මව් රටවලට යළි පිටත් කිරීම සඳහා කටයුතු සැලසුම් කර ඇත.
