ඉරානයට අවි සහ යුධ උපකරණ සැපයීමෙන් වළකින්න චීනය එකඟ වූ බව අමෙරිකානු ජනාධිපති ඩොනල්ඩ් ට්රම්ප් ප්රකාශ කර ඇත.
ඔහු මෙම අදහස් පළ කර ඇත්තේ තම සමාජ මාධ්ය ගිණුමක් හරහා වන අතර, හෝමූස් සමුද්ර සන්ධිය විවෘතව තබා ගැනීම පිළිබඳවද චීනය සතුටු වන බව සඳහන් කර තිබේ.
තවද, ලෝකයේ ස්ථාවරත්වය වෙනුවෙන් මෙම පියවර ගත් බවත්, ඉදිරියේදී මෙවැනි ගැටලු නැවත ඇති නොවන බවත් ඔහු විශ්වාසය පළ කරයි.
එළඹෙන සති කිහිපය තුළ සිදු කිරීමට නියමිත චීන සංචාරයේදී ජනාධිපති ෂී ජිංපින් විසින් උණුසුම් පිළිගැනීමක් ලැබෙනු ඇති බවද ට්රම්ප් සඳහන් කර ඇත.
දෙරටේ නායකයන් දෙදෙනාම කාර්යක්ෂම ලෙස කටයුතු කරන බව පෙන්වා දෙන ඔහු, සටන් කිරීමට වඩා එවැනි සම්බන්ධතා වඩා හොඳ බවද ප්රකාශ කර ඇත.
එහෙත් අවශ්ය වුවහොත් සටන් කිරීමට ද තමන් සූදානම් බවත්, ඒ සඳහා තමන්ට හැකියාවක් ඇති බවත් ඔහු වැඩිදුරටත් අවධාරණය කළේය.
