වර්තමාන ගෝලීය අර්බුද හමුවේ ඉතිහාසයේ අන් කවරදාකටත් වඩා සම්බුද්ධ දේශනාවන්ගේ ආලෝකය ජීවිතයට සමීප කරගත යුතු කාලයක් උදා වී ඇති බව ත්රෛනිකායික මහානායක මාහිමිපාණන් වහන්සේලා වෙසක් දින පණිවුඩයෙන් අවධාරණය කර තිබේ.
සංසාරික දුක, එහි හේතුව, දුක නැති කිරීම සහ ඒ සඳහා වූ මාර්ගය පැහැදිලි කරන ශ්රී සම්බුද්ධ දේශනාවේ ඤාණමය ආලෝකයෙන් තම ජීවිත ප්රභාමත් කර ගැනීම සම්බුදු තෙමඟුලේ සැබෑ අර්ථය බව උන්වහන්සේලා පෙන්වා දෙති.
එමෙන්ම වර්තමානයේ පවතින බලශක්ති අර්බුදය ඇතුළු සමාජීය අභියෝග හමුවේ, ඡන්ද, ද්වේශ, භය සහ මෝහ යන සතර අගතිවලින් මිදී මෙත්තා, කරුණා, මුදිතා සහ උපේක්ෂා යන බ්රහ්මවිහාර ධර්මයන් වර්ධනය කර ගනිමින් ස්වර්ථ හා පරාර්ථ යන දෙඅංශයේම යහපත සඳහා කැපවිය යුතු බවද පණිවුඩයෙන් සඳහන් වේ.
මෙම වෙසක් දින ආශීර්වාද පණිවුඩය තිබ්බටුවාවේ ශ්රී සිද්ධාර්ථ සුමංගල, වරකාගොඩ ශ්රී ඥානරතන, කරගොඩඋයන්ගොඩ මෛත්රී මූර්ති සහ මකුලෑවේ ශ්රී විමල යන ත්රෛනිකායික මහානායක හිමිවරුන්ගේ අත්සනින් නිකුත් කර ඇත.
