පූජ්ය පල්ලේගම හේමරතන හිමියන් හොබවන නුවර කලාවියේ ප්රධාන සංඝනායක පදවිය තාවකාලිකව අත්හිටුවීමට මල්වතු මහා විහාරයීය ගරුතර කාරක සංඝ සභාව තීරණය කර තිබේ.
මල්වතු මහා විහාරය නිකුත් කළ නිවේදනයට අනුව, අදාළ තීරණය ගනු ලැබ ඇත්තේ උන්වහන්සේ සම්බන්ධයෙන් එල්ල වී ඇති චෝදනා පිළිබඳව අවධානය යොමු කර, පාර්ශව කැඳවා කරුණු විභාග කිරීමෙන් අනතුරුවය.
ඒ අනුව, අටමස්ථාන කමිටුවේ තීරණයක් මත උතුරු මධ්යම දිසාවේ ප්රධාන සංඝ නායක, රුවන්වැලි සෑ චෛත්යාරාමාධිකාරී ඊතලවැටුණුවැවේ ඥාණතිලක හිමි හිමියන් තාවකාලිකව අටමස්ථානාධිපති ධුරයේ කටයුතු ආවරණය කිරීම සඳහා පත් කර ඇති බවද සඳහන් වේ.
පල්ලේගම හේමරතන හිමියන් සම්බන්ධ චෝදනා පිළිබඳ පවතින අධිකරණ කටයුතු අවසන් වී අවසන් තීන්දුවක් ලැබෙන තෙක් මෙම තාවකාලික අත්හිටුවීම ක්රියාත්මක වන බව මල්වතු පාර්ශ්වය වැඩිදුරටත් සඳහන් කර ඇත.
