2018 වසරෙන් පසු බඳවා ගැනීම් සිදු නොකිරීම හේතුවෙන් අධිකරණ ක්ෂේත්රයේ පුරප්පාඩු 2,647ක් පවතින බව අනාවරණය වී තිබේ.
මෙම කරුණ හෙළිවී ඇත්තේ අධිකරණ සහ ජාතික ඒකාබද්ධතා කටයුතු පිළිබඳ අමාත්යාංශයීය උපදේශක කාරක සභාව පසුගියදා පාර්ලිමේන්තුවේදී රැස් වූ අවස්ථාවේදීය.
එහිදී නිලධාරීන් පෙන්වා දී ඇත්තේ දිගු කාලයක් බඳවා ගැනීම් සිදු නොකිරීම හේතුවෙන් අධිකරණ පද්ධතිය තුළ සැලකිය යුතු මානව සම්පත් හිඟයක් මතුව ඇති බවයි.
මේ පිළිබඳ අවධානය යොමු කළ විෂයභාර අමාත්ය හර්ෂණ නානායක්කාර මහතා අදාළ පුරප්පාඩු සඳහා කඩිනමින් බඳවා ගැනීම් සිදුකරන ලෙස නිලධාරීන්ට උපදෙස් ලබාදී ඇති බව වාර්තා වේ.
