ලොව පුරා වාර්තා වන ඉබෝලා වෛරසය සහ මෙරටින් හඳුනාගෙන ඇති මෙනින්ජයිටිස් රෝගී තත්ත්වයන් සම්බන්ධයෙන් සෞඛ්ය අංශ විශේෂ අවධානය යොමු කර ඇති බව සෞඛ්ය හා ජනමාධ්ය අමාත්ය නලින්ද ජයතිස්ස ප්රකාශ කළා.
අමාත්යවරයා සඳහන් කළේ ඉබෝලා වෛරසය සම්බන්ධයෙන් වසංගත රෝග විද්යා ඒකකය නිරන්තරයෙන් තත්ත්වය නිරීක්ෂණය කරමින් අවශ්ය උපදෙස් සෞඛ්ය පද්ධතිය වෙත ලබාදී ඇති බවයි.
මේ අතර, මෙනින්ජයිටිස් රෝගය වාර්තා වූ මුල් අවස්ථාවේ සිටම එය පාලනය කිරීම සඳහා අවශ්ය පියවර ගෙන ඇති බවද ඔහු පැවසුවා. රෝගය පැතිරීම වැළැක්වීමේ අරමුණින් පසුගිය දිනවල දන්සැල්වලදී උණුසුම් පාන වර්ග ලබාදෙන ලෙස ද උපදෙස් ලබාදුන් බව අමාත්යවරයා සඳහන් කළා.
කුඩා දරුවන් අතරින් වැඩි වශයෙන් වාර්තා වූ මෙම රෝගී තත්ත්වය මේ වන විට යම් මට්ටමකට පාලනය කර තිබුණද, ජනතාව ඒ පිළිබඳව නොසැලකිලිමත් නොවිය යුතු බවද ඔහු අවධාරණය කළා.
කෙටි හෙඩ්ලයින්
ඉබෝලා සහ මෙනින්ජයිටිස් අවදානමට සෞඛ්ය අංශ සූදානම් – ජනතා සහය ඉල්ලයි
