පසුගිය 10 වනදා ආරම්භ වී ගතවූ දින තුනක කාලය තුළ අධිවේගී මාර්ග භාවිතයෙන් මාර්ග සංවර්ධන අධිකාරිය රුපියල් 163,291,065ක ආදායමක් ලබාගෙන තිබේ.
එම කාලසීමාව තුළ අධිවේගී මාර්ගවලින් ගමන් කළ රථවාහන සංඛ්යාව 434,338ක් ලෙස වාර්තා වී ඇත.
මෙහිදී වැඩිම ආදායමක් සහ වැඩිම රථවාහන සංඛ්යාවක් වාර්තා වී ඇත්තේ පසුගිය 10 වනදාය. එදින රුපියල් 59,815,450ක ආදායමක් උපයා ඇති අතර, රථවාහන 161,847ක් අධිවේගී මාර්ග භාවිතා කර තිබේ.
අධිවේගී මාර්ග භාවිතය ඉහළ යාම හේතුවෙන් මෙම කාලය තුළ ආදායමත් රථවාහන සංඛ්යාවත් සැලකිය යුතු ලෙස වැඩි වී ඇති බව ද සඳහන් වේ.
