සංචාරකයින් රැගත් සුඛෝපභෝගී නෞකාව කොළඹට

සංචාරකයින් 2,380 දෙනෙකු රැගත් “Mein Schiff 6” නමැති සුඛෝපභෝගී මඟී නෞකාව අද කොළඹ වරායට වෙත ළඟා වී තිබේ.

වරාය අධිකාරිය  සතු ECT ජැටියට පැමිණි මෙම නෞකාව මෝල්ටා ධජය යටතේ යාත්‍රා කරන අතර, එහි කාර්ය මණ්ඩලයේ සාමාජිකයින් 951 දෙනෙකු සේවය කරන බව වරාය හා සිවිල් ගුවන් සේවා අමාත්‍යාංශය සඳහන් කළේය.

දිගින් මීටර් 295ක් සහ පළලින් මීටර් 42ක් වන මෙම නෞකාව ශ්‍රී ලංකාවට පැමිණි ප්‍රථම අවස්ථාව මෙය බවද වාර්තා වේ.

නෞකාවෙන් පැමිණි සංචාරකයින් පිළිගැනීම සඳහා සංස්කෘතික කලා සංදර්ශනද සංවිධානය කර තිබූ අතර, ඒ සඳහා අදාළ සංචාරක සමාගම් කටයුතු යොදා තිබිණි.