ජාතික කලා භවනේ චිත්ර 42ක් අස්ථානගතවීම සම්බන්ධයෙන් පොලිසිය මේ වනවිට සංස්කෘතික කටයුතු දෙපාර්තමේන්තුවේ නිලධාරීන් 7 දෙනෙකු ඇතුළු පුද්ගලයින් 15 දෙනෙකුගෙන් ප්රකාශ ලබාගෙන තිබේ.
විමර්ශනවලදී හෙළිවී ඇත්තේ, අස්ථානගත වූ චිත්ර අතර මිල කළ නොහැකි පැරණි සිතුවම් මෙන්ම මෙරට ප්රසිද්ධ 43 කණ්ඩායමේ නිර්මාණ කිහිපයක්ද ඇති බවයි.
මෙම සිද්ධිය පිළිබඳව පසුගියදා පාර්ලිමේන්තුවේදී අනාවරණ කළේ හිනිදුම සුනිල් සෙනවි ය.
තවද අස්ථානගත වූ චිත්රවල සේයාරූ හෝ නිසි තොරතුරු නොමැති බැවින් ඒවා හඳුනාගැනීමද දැඩි ලෙස අපහසු වී තිබේ.
1987 වසරේ තොග ලේඛනයේ සඳහන් වූ චිත්ර 42ට අදාළ ලේඛනයද මේ වනවිට අතුරුදන්ව ඇති බව වාර්තා වෙයි.
එමෙන්ම 2008 වසරේ සකස් කළ චිත්ර ඇල්බමයේ තිබූ චිත්ර 247න් මේ වනවිට කලා භවන තුළ පවතින්නේ චිත්ර 233ක් පමණක් බවද අනාවරණ වී ඇත.
පොලිස් විමර්ශනවලදී හෙළිවී ඇත්තේ, කලා භාණ්ඩ සම්බන්ධයෙන් නිසි ලේඛන පවත්වාගෙන නොයාම සහ වගකීම් විරහිත ලෙස කටයුතු කිරීම මෙම තත්ත්වයට ප්රධාන හේතුව වී ඇති බවයි.
මෙම චිත්ර විනාශ වී ඇතිද, සොරකම් කර ඇතිද, නැතහොත් වෙනත් ආකාරයකින් අතුරුදන් වී ඇතිද යන්න පිළිබඳව පොලිසිය වැඩිදුර විමර්ශන සිදුකරයි.
