රජයේ වෛද්ය නිලධාරීන්ගේ සංගමය හෙට (09) පෙරවරු 8.00 සිට පැය 48ක කාලයක් දීපව්යාප්ත වැඩ වර්ජනයක් ආරම්භ කිරීමට තීරණය කර ඇත.
මෙම තීරණය ගෙන ඇත්තේ සීමාවාසික පත්වීම් සම්බන්ධයෙන් සෞඛ්ය අමාත්යාංශය පෙර එකඟ වූ කොන්දේසි උල්ලංඝනය කරමින් ක්රියා කිරීම හේතුවෙනි.
සංගමය අනුව, ගැටලුව සාකච්ඡා මගින් විසඳීමට එකඟ වී තිබූ අතර, එම සාකච්ඡාව අවසන් වනතුරු අදාළ වෛද්යවරුන්ගේ ලැයිස්තුව නවතා තැබීමට එකඟතාවයකට පැමිණ තිබුණි. එහෙත් එම එකඟතාවය නොසලකා හරිමින් අමාත්යාංශය විසින් ලැයිස්තුව ප්රකාශයට පත් කර ඇති බව සංගමය පවසයි.
මෙය විශ්වාසය කඩ කිරීමක් බවත්, සාකච්ඡා ක්රියාවලියට හානි කරන ක්රියාවක් බවත් ඔවුන් අවධාරණය කරයි.
ඒ අනුව, අදාළ ලැයිස්තුව වහා ඉවත් කර ගැටලුව විසඳීමට හෙට පෙරවරු 8 දක්වා කාලය ලබාදී ඇති අතර, එසේ නොකළහොත් වැඩ වර්ජනය ක්රියාත්මක වන අතර එයින් ජනතාවට ඇතිවන අපහසුතා සඳහා වගකීම සෞඛ්ය බලධාරීන් භාරගත යුතු බවද සඳහන් කර ඇත
