ඉදිරි පැය 24 සඳහා දිවයින වටා වන මුහුදු ප්රදේශවලට අදාළ කාලගුණ අනාවැකිය කාලගුණවිද්යා දෙපාර්තමේන්තුව නිකුත් කර තිබේ.
ඒ අනුව පුත්තලම සිට කොළඹ, ගාල්ල සහ හම්බන්තොට හරහා පොතුවිල් දක්වා වන මුහුදු ප්රදේශවල තැනින් තැන වැසි හෝ ගිගුරුම් සහිත වැසි ඇතිවිය හැකි බව සඳහන් වෙයි.
එමෙන්ම කන්කසන්තුරය සිට හම්බන්තොට හරහා පොතුවිල් දක්වා වන මුහුදු ප්රදේශවල සුළං වේගය විටින් විට පැයට කිලෝමීටර් 50 සිට 60 දක්වා ඉහළ යා හැකි බව ද අනාවැකියේ දැක්වේ.
මේ හේතුවෙන් එම මුහුදු ප්රදේශ විටින් විට රළු වන අතර, සෙසු මුහුදු ප්රදේශ ද තරමක් රළු විය හැකි බවට අනතුරු අඟවා ඇත.
පුත්තලම සිට පොතුවිල් දක්වා වෙරළට ඔබ්බෙන් වන මුහුදු ප්රදේශවල රළ උස මීටර් 2ත් 2.5ත් අතර ඉහළ යා හැකි බව ද කාලගුණ අංශ පෙන්වා දෙයි.
ගිගුරුම් සහිත වැසි සමඟ තාවකාලිකව තද සුළං ඇතිවිය හැකි බැවින් ධීවර සහ නාවික ප්රජාව විමසිල්ලෙන් කටයුතු කරන ලෙස දැනුම් දී තිබේ.
මේ අතර බෙංගාල බොක්ක සහ ආරාබි මුහුද ආශ්රිතව ඉදිරි දින තුන සඳහා ද තද සුළං සහ රළු මුහුදු තත්ත්වයක් පිළිබඳ අනාවැකි නිකුත් කර ඇත.
