ශ්රී ලංකා රුපියලේ අගය පසුගිය සිකුරාදා දිනයේදී අමෙරිකානු ඩොලරයට සාපේක්ෂව සියයට 2.7කින් ඉහළ ගොස් ඇති බව “බ්ලූම්බර්ග්” වෙබ් අඩවිය වාර්තා කරයි.
එය 2023 මාර්තු මාසයෙන් පසු රුපියල වාර්තා කළ විශාලතම එක්දින වර්ධනය බවත්, එදින ආසියාවේ හොඳම ක්රියාකාරීත්වය දැක්වූ මුදල් ඒකකය බවත් එම වාර්තාවේ සඳහන් වේ.
ජාත්යන්තර මූල්ය අරමුදල සහ ආසියානු සංවර්ධන බැංකුව වෙතින් ශ්රී ලංකාවට මුදල් ලැබීමට නියමිත වීමත් සමඟ වෙළඳපොළේ ඩොලර් විකිණීමට පිරිස් පෙළඹීම රුපියල ශක්තිමත් වීමට හේතුවක් බව රජය පෙන්වා දී ඇත.
මේ අතර, රුපියලේ ස්ථාවරභාවය පවත්වා ගැනීම සඳහා පුද්ගලික වාහන ආනයනය මත අධිභාර පැනවීමටද රජය පියවර ගෙන තිබේ.
අවශ්ය අවස්ථාවලදී වෙළඳපොළට මැදිහත්වීමට සූදානම් බව මහ බැංකුවද ප්රකාශ කර ඇති බව “බ්ලූම්බර්ග්” වැඩිදුරටත් සඳහන් කරයි.
