හිටපු නියෝජ්ය අමාත්ය සරණ ගුණවර්ධන මහතාට එරෙහිව අල්ලස් කොමිසම විසින් ගොනු කර ඇති නඩු හතරක තීන්දු අද (26) දිනයේ ප්රකාශයට පත් කිරීමට නියමිතය.
මෙම නඩු, 2006 වසරේ ජාතික ලොතරැයි මණ්ඩලයේ සභාපතිවරයා ලෙස කටයුතු කළ සමයේ, වාහන කුලී පදනම මත ලබා ගැනීම හරහා රජයට පාඩුවක් සිදු කළ බවට එල්ල වූ චෝදනාවකට අදාළව ගොනු කර තිබේ.
පසුගිය අප්රේල් 30 වනදා මෙම නඩු වල තීන්දුව ප්රකාශයට පත් කිරීමට නියමිතව තිබුණද, එය මැයි 26 වනදා දක්වා කල් දමා තිබුණි. කොළඹ මහාධිකරණ විනිසුරු මොහොමඩ් මිහායිල් මහතා විසින් එම තීන්දුව අද දිනයේ ප්රකාශයට පත් කිරීමට නියමිත බව වාර්තා වේ.
