ඊබෝලා වෛරසය පැතිරීමේ අවදානම ඉහළ යාම හේතුවෙන් අප්රිකානු රටවල් තුනක පදිංචිකරුවන්ට තාවකාලික සංචාරක තහනමක් පැනවීමට කැනඩා රජය තීරණය කර තිබෙනවා.
ඒ අනුව කොංගෝ ප්රජාතන්ත්ර ජනරජය, උගන්ඩාව සහ දකුණු සුඩානය යන රටවල පදිංචිකරුවන්ට දින 90ක කාලයක් සඳහා කැනඩාවට ඇතුළුවීම තහනම් කර ඇති බව වාර්තා වේ.
කැනඩා බලධාරීන් සඳහන් කරන්නේ, ඊබෝලා වෛරසය රට තුළට පැතිරීම වැළැක්වීම මෙම තීරණයේ අරමුණ බවයි.
එමෙන්ම ආසාදිත ප්රදේශවල සිට පැමිණෙන, රෝග ලක්ෂණ නොපෙන්වන කැනඩා පුරවැසියන් සහ ස්ථිර පදිංචිකරුවන් ඇතුළු අයට දින 21ක නිරෝධායන නියමයන්ට යටත් වීමට සිදුවන බවද සඳහන්.
මේ අතර අමෙරිකාවද මීට පෙර මෙම රටවල් තුන සම්බන්ධයෙන් සමාන සංචාරක සීමා ක්රියාත්මක කර ඇති බව විදෙස් මාධ්ය වාර්තා කරයි.
